Rreth Nesh
Revista AutoClub është një forum mediatik i Shoqatës “Automobile Club Albania”, (ACA). AutoClub është revista e vetme në tregun shqiptar në gjuhën shqipe për adhuruesit e autoveturave. AutoClub është një revistë e përdymuajshme që vjen tek ju me një mori informacionesh interesante dhe të vlefshme për të gjitha mjetet motorike. Misioni ynë është të informojmë dhe t’u japim kënaqësi lexuesve tanë nëpërmjet një informacioni të plotë dhe të vazhdueshëm mbi gjithçka që lidhet me automobilin.
Revista AutoClub ka për qëllim t’u drejtohet automobilistëve shqiptarë me një botim serioz për nga tematika e trajtuar, të paraqitshëm dhe të këndshëm për ç’do lexues por edhe interesant e praktik, ku automobilistët të kenë mundësi të njihen me zhvillimet dhe produktet më të reja të industrisë më të madhe në botë, që vazhdon të zgjerojë perandorinë e saj prej më shumë se një shekulli.
Gjithashtu në revistë ka vend edhe për të apasionuarit, të cilët e shohin automobilin si një vepër të kombinuar arti dhe teknologjie, duke trajtuar në të informacionin më të fundit për modelet e reja të automobilit në botë, modele sportive apo të klasit të lartë, pa harruar edhe automjetet e markave klasike që me historinë dhe modelet e tyre kanë lënë mbresa ndër vite. Nuk do të mungojnë ndonëse të reduktuar as shkrimet për dy-rrotëshit, informacione të detajuara në lidhje me modelet më të fundit dhe modelet më të shitura.
Loading ...